હું સ્ત્રી છું

આદિ અનાદિ કાળથી એક સ્ત્રી

મારી ત્વચાના પ્રત્યેક છિદ્રમાંથી પ્રગટ્યા કરે મીરાં

ને મારા નૃત્ય, મારા ગીતને

ચિર તરસ એક સૂરની, યુગોયુગોથી

મારી નસનસમાં વહ્યા કરે રાધા

ને મારી આંખોમાં અંજન ચિર પ્રતિક્ષાનું

જાણે જળ જમુનાનું

મારા ગર્ભમાં ઉછર્યા કરે કૃષ્ણ

હું જન્મ આપ્યા કરું

ને એની ભાળ મળે ગોકુળમાં

મારી આંખમાંથી નિતર્યા કરે કાન

માખણ ને મટુકી થીજ્યાં જાણે હિમ

ને એ વસે જઇ મથુરા

આ ચિર વિરહ, ચિર પ્રતિક્ષા કે ચિર તપસ્યાનું ફળ મળે ?

આપો, તો વરદાન આપો

મારે ‘સ્ત્રી’ મટી જવું છે……