Like this:

કવિલોક > જાન્યુ.-ફેબ્રુ. 2004

ક્ષણિકાઓ > લતા હિરાણી

1. સ્પર્શ વિસ્તરે

 

  પછી એમાં

  બધી જ ક્ષણો

  ડૂબે કે તરે…….

 

2. ધૂમાયા કરે

   દરિયો અવિરત

   એક ક્ષણ

   આભ સળગાવ્યા કરે સતત

 

3. કેટલું તારું માન

   ને કેટલી તારી રીસ

   તેં રોપેલી ક્ષણોની

   ફાટી નીકળી ચીસ…..

  

4. હૂંફાળો નહીં

   આ તો તાપ જ

   એક એક ક્ષણ

   બળે ઝળે

   ટીપે ટીપે

 

5. એક એક ઇચ્છા ઊતરડું

   હૈયે જડેલી

   તારી તમામ ક્ષણોને

   બાળું, કાપું, તરછોડું

 

6. ક્ષણમાં પ્રકટે સઘળા દીવા

   ક્ષણમાં રણકે સ્વર

   ક્ષણમાં ઊઘડે, ક્ષણમાં પ્રસરે

   સુગંધ લઇ અક્ષર